ກົມຄຸ້ມຄອງການທ່ອງທ່ຽວ

ກະຊວງຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ

ກົມຄຸ້ມຄອງການທ່ອງທ່ຽວ

ກົມຄຸ້ມຄອງການທ່ອງທ່ຽວ ກະຊວງຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ ປະກອບມີ 4 ພະແນກການ

ພະແນກ ມາດຕະຖານການທ່ອງທ່ຽວ ແລະ ບໍລີຫານ

ຄົ້ນຄວ້າມາດຕະຖານແລະການຈັດແບ່ງປະເພດສະຖານທີ່ທ່ອງທ່ຽວໃນທົ່ວປະເທດ ຄົ້ນຄວ້າເອກະສານການລົງທຶນໃນຂະແໜງການທ່ອງທ່ຽວຕາມການແຕ່ງຕັ້ງຂອງຂັ້ນເທິງ

ພະແນກ ຄຸ້ມຄອງສະຖານທີ່ພັກແຮມ, ຮ້ານອາຫານ ແລະ ການບິນເທີງ

ກວດກາ, ຕິດຕາມກວດກາ, ຕິດຕາມການເຄື່ອນໄຫວຂອງຫົວໜ່ວຍທຸລະກິດສະຖານທີ່ພັກແຮມ ສ້າງຂໍ້ກຳນົດ, ລະບຽບການຕ່າງໆໃນການຄຸ້ມຄອງຫົວໜ່ວຍທຸລະກິດ

ພະແນກ ຄຸ້ມຄອງການນໍາທ່ຽວ

ຄົ້ນຄວ້າ, ພິຈາລະນາການອອກ, ການຖອນ, ການຕໍ່ແລະການໂຈະບັດນຳທ່ຽວຕາມການແບ່ງຂັ້ນຄຸ້ມຄອງ ຄຸ້ມຄອງ, ກວດກາແລະພັດທະນາຄຸນນະພາບການບໍລິການນຳທ່ຽວ

ພະແນກ ຄຸ້ມຄອງສະຖານທີ່ທ່ອງທ່ຽວ ແລະ ການລົງທຶນ

ຄຸ້ມຄອງ, ກວດກາການບໍລິການຕາມສະຖານທີ່ທ່ອງທ່ຽວຕາມການແບ່ງຂັ້ນຄຸ້ມຄອງ, ຄຸ້ມຄອງ, ຈັດແບ່ງປະເພດສະຖານທີ່ທ່ອງທ່ຽວໃນທົ່ວປະເທດ

ຄະນະກໍາມະການ ປະເມີນ ແລະ ຈັດລະດັບມາດຕະຖານໂຮງແຮມ

ຄຸ້ມຄອງ, ຕິດຕາມ, ກວດກາ ແລະ ປະເມີນສະຖານທີ່ພັກແຮມ

ກົມຄຸ້ມຄອງການທ່ອງທ່ຽວ ໄດ້ລົງຕິດຕາມ ແລະ ປະເມີນຈັດລະດັບສະຖານທີ່ພັກແຮມໃນຂັ້ນຄຸ້ມຄອງຂອງຕົນ ແລະ ປະສານສົມທົບກັບແຂວງໃນການຈັດຕັ້ງປະຕິບັດໃນແຕ່ລະປີ. ນອກຈາກນີ້, ຍັງໄດ້ມີການລົງປະເມີນ ແລະ ໃຫ້ຄະແນນສະຖານທີ່ພັກແຮມ ເພື່ອສະເໜີຮັບລາງວັນມາດຕະຖານໂຮງແຮມຂຽວອາຊຽນ.

ຄົ້ນຄວ້າບັນດາໂຄງການສໍາປະທານຂອງນັກລົງທຶນ

ຄຸ້ມຄອງການລົງທຶນໃນຂະແໜງການທ່ອງທ່ຽວ

ຄົ້ນຄວ້າບັນດາເອກະສານ ຂໍລົງທຶນສໍາປະທານຂອງບັນດານັກລົງທຶນທັງພາຍໃນ ແລະ ຕ່າງປະເທດ ເພື່ອຮັບຮອງບັນດາບົດວິພາກເສດຖະກິດ-ເຕັກນິກຂອງໂຄງການຕ່າງໆໃຫ້ແກ່ຄະນະກໍາມະການສົ່ງລົງທຶນປະຕູດຽວຂັ້ນສູນກາງ.

ກົມຄຸ້ມຄອງການທ່ອງທ່ຽວ ກະຊວງ ຖວທ ມີພາລະບົດບາດໃນການຊ່ວຍລັດຖະມົນຕີ ກະຊວງ ຖວທ ໃນການກໍານົດແຜນຍຸດທະສາດ, ກໍານົດນິຕິກໍາ, ເຜີຍແຜ່, ຕິດຕາມ, ກວດກາ, ຊຸກຍູ້, ແນະນໍາວຽກງານການຄຸ້ມຄອງການທ່ອງທ່ຽວໃນຂອບເຂດທົ່ວປະເທດ

ຄຸ້ມຄອງຮ້ານອາຫານ ແລະ ສະຖານບັນເທີງ

ລົງຕິດຕາມ, ກວດກາ, ຊຸກຍູ້ບັນດາທຸລະກິດຮ້ານອາຫານ, ບັນເທີງ ແລະ ປະເມີນຈັດລະດັບມາດຕະຖານຮ້ານສະອາດ ແລະ ປອດໄພ.

ຄຸ້ມຄອງສະຖານທີ່ທ່ອງທ່ຽວ

ຊຸກຍູ້ສົ່ງເສີມໃຫ້ບັນດາຫົວໜ່ວຍຄຸ້ມຄອງທຸລະກິດສະຖານທີ່ທ່ອງທ່ຽວໃຫ້ມີການພັດທະນາດ້ານສະຖານທີ່ທ່ອງທ່ຽວໃຫ້ຖືກຕ້ອງຕາມລະບຽບການແລະກົດໝາຍວາງອອກ

ຄຸ້ມຄອງການນໍາທ່ຽວ

ຕິດຕາມກວດກາແລະມີມາດຕະການຕໍ່ການບໍລິການທ່ອງທ່ຽວ ຄົ້ນຄວ້າ, ພິຈາລະນາການອອກ, ການຖອນ, ການຕໍ່ ແລະ ການໂຈະບັດນຳທ່ຽວ

ການຮ່ວມມືສາກົນ

ກົມຄຸ້ມຄອງການທ່ອງທ່ຽວ ຜ່ານມາໄດ້ເຮັດວຽກຮ່ວມກັບຫຼາຍອົງການສາກົນໃນການຮ່ວມມືແລະ ສົ່ງເສີມວຽກງານໃນຂະແໜງການຄຸ້ມຄອງການທ່ອງທ່ຽວ ເປັນຕົ້້ນ ASEAN, ADB, GIZ, World Bank, JICA ແລະ ອື່ນໆ.

ມາດຕະຖານໂຮງແຮມຂຽວອາຊຽນ

ASEAN GREEN HOTEL STANDARD

ມາດຕະຖານໂຮງແຮມຂຽວອາຊຽນ ໄດ້ກໍານົດໃຫ້ມີຂັ້ນຕອນການຢັ້ງຢືນໃຫ້ລາງວັນ ຊຶ່ງເປັນການຊຸກຍູ້ໃຫ້ບັນດາໂຮງແຮມ ມີການປະຕິບັດງານຢ່າງເປັນມືອາຊີບ, ມີແຜນຮັກສາສິ່ງແວດລ້ອມ, ການນຳໃຊ້ຜະລິດຕະພັນຂຽວ, ການຄຸ້ມຄອງພະນັກງານ ແລະ ສິ່ງແວດລ້ອມ ທີ່ຈະຊ່ວຍໃຫ້ສິ່ງແວດລ້ອມ ແລະ ປະຊາຊົນທ້ອງຖິ່ນ ໄດ້ຮັບຜົນປະໂຫຍດຈາກການປະຕິບັດງານຢ່າງເປັນມືອາຊີບ